ဒီတခါတော့ မှိုအစပ်ချက်နည်းလေး ပြောချင်ပါတယ် မြန်မာပြည်မှာ ရောင်းတဲ့မှိုတွေလို အရသာ သိပ်မတူပေမဲ့ မရှိတဲ့ အရပ်ဒေသမှာ ရှိတာကိုဘဲ ဖြစ်အောင် ချက်ဖြစ်ပြီး အင်မတန်မှ စားကောင်းလွန်းလို့ မှိုနှစ်သက်သူတို့ ချက်စားကြည့်စေချင်ပါတယ်။
ပါဝင်ပစ္စည်းများ
- ကြယ်သီးမှို - 500 g
- ငရုတ်သီးစိမ်း - အစပ်စားနိူင်သလောက်
- ငရုတ်သီး လုံးခြမ်းကွဲ - လက်ဖက်ရည်ဇွန်း တစ်ဇွန်း
- ဆား - လက်ဖက်ရည်ဇွန်း တစ်ဝက်
- ဆီ - ထမင်းစားဇွန်း ၃ဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ကြက်သွန်ဖြူ -၂မွှာ
- ကြက်သွန်နီ - တခြမ်း
ပြင်ဆင်ပုံ
- မှိုကို ရေဆေးပြီး ခပ်ပါးပါး လှီးထားပါ
- ကြက်သွန်နီကို အခွံခွာပြီး ရေဆေးပြီးမှ ခပ်ပါးပါးလှီးပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ဒယ်အိုးတလုံးကို အပူပေးပါ ဆီပူလာပါက နနွင်းမှုန့်ထည့်ပါ
- ပြီးတာနဲ့ ကြက်သွန်နီ ကြက်သွန်ဖြူကို နွမ်းရုံလေး ဆီသတ်ပါ
- ကြက်သွန်များ နွမ်းတာနဲ့ ငရုတ်သီးစိမ်းနှင့်ငရုတ်သီးမှုန့်ကိုထည့်ကြော်ပါ
- ငရုတ်သီးနံ့ သင်းလာတာနဲ့ ဆားနှင့် မှိုကိုထည့်ကြော်ပါ
- မှိုများနွမ်းတာနဲ့ အရည်အနည်းငယ်ထည့်ကာ ရေဆူအောင် တည်ပေးပြီး အရသာမြည်း၍ လိုသလိုပြင်ကာ မှိုအစပ်ဟင်းကို သုံးဆောင်နိူင်ပါပြီ။
No comments:
Post a Comment