ပါ၀င်ပစ္စည်းများ
- ငှက်ပျောဖူး - အနေတော် တစ်ဖူး
- ငရုတ်သီးစိမ်း အနီရောင် - ထမင်းစားဇွန်း တစ်ဇွန်းမောက်မောက် ( ထောင်းပြီးသား)
- ငါးငံပြာရည် - ထမင်းစားဇွန်း တစ်ဇွန်း
- ကြက်သွန်ဖြူ - အမွှာကြီးကြီး သုံးမွှာ
- ကြက်သွန်နီ - အနေတော် တစ်ဥ
- မန်ကျည်းသီးမှည့်အရည် - ထမင်းစားဇွန်း တစ်ဇွန်းသာသာ
- အရသာမှုန့် - လက်ဖက်ရည်ဇွန်း တစ်၀က်သာသာ
ပြင်ဆင်ပုံ
- ငှက်ပျောဖူးမှ ရင့်နေသော အဖတ်များနှင့် မလိုတာတွေကို ဖယ်ပေးပြီး ရေစင်အောင် ဆေးထားပါ
- ပြီးတာနဲ့ ငှက်ပျောဖူးကို ထက်ဝက်ခြမ်းပြီး ဗနီကာ ခပ်များများနှင့် ရေမြုပ်အောင်ထည့်ကာ နာရီဝက်လောက် စိမ်ထားပါ
- ရေစိမ်ပြီးတာနဲ့ ထိုအရည်များ သွန်ပေးကာ အနေတော် အိုးတစ်လုံးထဲမှာ ရေခပ်များများလေး ထည့်ပြီး မီးဖိုပေါ်တင်ကာ ပွက်ပွက်ဆူအောင် တည်ပေးပါ
- ရေပွက်ပွက် ဆူလာပြီးတာနဲ့ ငှက်ပျောဖူးများကို နူးတဲ့အထိ ပြုပ်ပေးပါ
- နူးအိနေအောင် ပြုပ်ပြီးပါက ရေနွေးများသွန်ကာ ရေအေးနဲ့ဆေးပြီး ရေများကိုသွန်ကာ ရေစစ်ပေးပါ
- ရေစစ်သွားပါက အနေတော် ခပ်တွေပါးပါးလေးတွေ ရလာအောင် လှီးပေးထားပါ
- ငရုတ်သီးစိမ်းကို ရေဆေးပြီး ညက်နေအောင် ထောင်းထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
- ကြက်သွန်ဖြူကို အခွံခွါပြီး ရေဆေးကာ ဓါးပြားရိုက်ထားပါ
- ကျန်သော ပါ၀င်ပစ္စည်းများကို အဆင်သင့် ပြင်ထားပါ
- အားလုံးအဆင်သင့် ဖြစ်တာနဲ့ အိုးတစ်လုံးထဲမှာ လှီးထားသော ငှက်ပျောဖူး ကြက်သွန်နီ ကြက်သွန်ဖြူ အရသာမှုန့် ငရုတ်သီးစိမ်းထောင်း ငါးငံပြာရည်နှင့် မန်ကျည်းမှည့် ရည်တို့ထည့်ပြီး ခပ်ဖွဖွ နယ်ပေးပါ
- နယ်ဖတ်ပြီး အရသာ သမသွားပါက ရေထည့်ကာ ပွက်ပွက်ဆူအောင် တည်ပေးပါ
- ဟင်းရည်ပွက်ပွက် ဆူလာပါက အရသာမြည်းပြီး မိမိစိတ်ကြိုက် လိုသလို ပြင်ပေးကာ ချဥ်ငံစပ် ငှက်ပျောဖူးဟင်းကို မိမိ နှစ်သက်သလို စားသုံးနိူင်ပါပြီ။
No comments:
Post a Comment