ဒီနေ့တော့ မာမာချက်ဖြစ်တဲ့ ဝက်သားအချိုချက် လေးကို မျှဝေလို့ ပေးချင်ပါတယ်ရှင်။
ပါဝင်ပစ္စည်းများ
- ဝက်သား - ကီလိုဝက်
- ဆား - လက်ဖက်ရည်ဇွန်း သုံးပုံတပုံ
- မှိုငံပြာရည် - လက်ဖက်ရည်ဇွန်းတဝက်သာသာ
- ပဲငံပြာရည်အပျစ် - ထမင်းစားဇွန်း တဇွန်း
- နှမ်းဆီ - လက်ဖက်ရည်ဇွန်း တဝက်
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- အရသာမှုန့် - လက်ဖက်ရည်ဇွန်း တဝက်
- ကြက်သွန်ဖြူ - အမွှာကြီးကြီး ငါးမွှာ
- ချင်း - ထမင်းစားဇွန်း တဇွန်းစာ (လှီးပြီးသား)
- ကြက်သွန်နီ - အနေတော် နှစ်ဥ
- ဆီ - ထမင်းစားဇွန်း ဆယ်ဇွန်းခန့်
- ရေ - လိုသလောက် သုံးပေးပါ
ပြင်ဆင်ချက်ပြပ်ပုံ
- ဝက်သားကို အတုံးလိုက် ရေဆေးပြီး အနေတော် အတုံးလေးတွေ တုံးထားပါ
- လှီးထားသော ဝက်သားများကို အိုးတလုံးထဲမှာထည့်ပြီး နှမ်းဆီ နနွင်းမှုန့် ဆား အရသာမှုန့် မှိုငံပြာရည်တို့နဲ့ အရသာ ဝင်သွားအောင် ဆုတ်ဆုတ်ပြီး နယ်ပေးပါ
- ကြက်သွန်ဖြူကို အခွံခွာပြီး ရေဆေးက ဓါးပြားရိုက်ထားပါ
- ကြက်သွန်နီကို အခွံခွာပြီး ရေဆေးကာ လေးခြမ်း ခြမ်းပြီး ရှစ်စိတ်ရအာင် လှီးထားပါ
- ချင်းကိုအခွံခွာပြီး ရေဆေးကာ ခပ်မျှင်မျှင် လေး တွေ လှီးထားပါ
- အားလုံး အဆင်သင့် ဖြစ်တာနဲ့ ဝက်သားထဲ့ထားသော အိုးထဲမှာ ပဲငံပြာရည် အပျစ်မှ လွဲပြီး ကျန်တဲ့ပါဝင်ပစ္စည်းများကို ထည့်ပေးပါ
- ရေကိုတော့ အနည်ငယ်လေးဘဲ ထည့်ပေးပြီး အိုးအဖုံးအုပ်ကာ တည်ပေးပါ
- အိုးထဲမှ ရေများ ခမ်းပြီး အိုးမကပ်စရန် မကြာမကြာ မွှေမွှေပေးပါ
- အိုးထဲမှ ရေခမ်းသွားပါ ဝက်သားမြုပ်တဲ့အထိ ရေထည့်ပြီး တည်ပေးပါ
- ရေမခမ်းခင် ဝက်သားနူးမနူး စမ်းကြည့်ပါ
- ဝက်သားနူးသွားပါက ရေထပ်မထည့်တော့ဘဲ ပဲငံပြာရည် အပျစ်ကိုထည့်ပြီး သမအောင် မွှေ ပေးပါ
- ဆီပြန်လာပါက ဝက်သားနှပ် အိအိလေး ရပါပြီ။
- ဝက်သား မနူးသေးပါက ရေထပ်ထည့်ပြီး ဝက်သား နူးတဲ့အထိ တည်ပေးပါ။
No comments:
Post a Comment