မာမာ ဒီနေ့တော့ ပိန်းဥသေးသေးလေးတွေ ဝယ်လာပြီး ပေါင်းအိုးနဲ့ ပေါင်းကာ အခွံခွါပြီး ပဲဆီမွှေးမွှေးလေးထဲ ဆားထည့်ကာ ပိန်းဥပေါင်းနဲ့ တို့စားဖြစ်ပါတယ်။
ပိန်းဥပေါင်းလေးက နေ့လည်နေ့ခင်း သရည်စာအဖြစ် စားလို့ကောင်းတဲ့အတွက် မိတ်ဆွေတို့လဲ စားချင်စိတ် ပေါ်တဲ့အခါ စားနိူင်အောင် မာမာပြင်ဆင်ပြီး ပေါင်းထားတဲ့ ပိန်းဉပေါင်းနည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ပိန်းဥ - မိမိစားနိူင်သလောက်
- ဆီ - အနည်းငယ်
- ဆား - အနည်းငယ်
- ပေါင်းအိုး
ပြင်ဆင်ပြုလုပ်ပုံ
- ပိန်းဥများကို ရေဆေးပြီး ပေါင်းအိုးထဲမှာပါတဲ့ ဇကာထဲကို ထည့်ပေးထားပါ
- ပေါင်းအိုးအောက်ခံအိုးထဲမှာ ရေ အနေတော်ထည့်ပြီး ပေါင်းအိုးမှာပါတဲ့ ခုံလေးကို ထည့်ပေးပါ
- ထိုပေါင်းခံပေါ်မှာ ပိန်းဥထည့်ထားတဲ့ ဇကာကို တင်ကာ အဖုံးလုံအောင် ပိတ်ပေးပါ
- ပြီးတာနဲ့ steam ခလုတ်ကို နှိပ်ပေးကာ ငါးမိနစ် ခလုတ်ကို ချိန်ပေးပြီး ပေါင်းပေးပါ
- ပိန်းဥ ပေါင်းထားချိန် ပြည့်တာနဲ့ အိုးထဲမှ လေကုန်အောင် ထုတ်ပေးပြီးမှ အိုးအဖုံးကို ဖွင့်ပေးပါ
- ပိန်းဥများကို အပြင်ထုတ်ပေးပြီး အခွံခွါပေးပါ
- ပန်းကန်တခုထဲမှာ ဆီနှင့်ဆားကို ထည့်ပေးပြီး အခွံခွါထားသော ပိန်းဥနှင့် တို့စားနိူင်ပါပြီ။
No comments:
Post a Comment