ဒါကြောင့်မို့လို့ မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ကြက်ရင်ပုံသား - အနေတော် တစ်ခု
- ဇူကီးနီး - သုံးတောင့်
- ကြက်သွန်နီ - အနေတော် တစ်ဥ
- ကြက်သွန်ဖြူ - အမွှာကြီးကြီး သုံးမွှာ
- ချင်းတက် - လက်တစ်ဆစ်ခန့်
- အရသာမှုန့် - လက်ဖက်ရည်ဇွန်း တစ်ဇွန်း
- ပဲငံပြာရည်အကြည် - ထမင်းစားဇွန်း တစ်ဇွန်း
- ခရုဆီ - ထမင်းစားဇွန်း တစ်ဇွန်း
- နှမ်းဆီမွှေး - လက်ဖက်ရည်ဇွန်း တစ်ဝက်
- ငရုတ်ကောင်းမှုန့် - အနည်းငယ်
- ဆီ - ထမင်းစားဇွန်း ငါးဇွန်းခန့်
- နနွင်းမှုန့်. - လက်ဖက်ရည်ဇွန်း သုံးပုံတစ်ပုံ
ပြင်ဆင်ပုံ
- ကြက်ရင်ပုံသားကို ရေဆေးကာ အနေတော် ခပ်ရှည်ရှည် အတုံးလေးတွေ တုံးပေးထားပါ
- ပြီးတာနဲ့ ခရုဆီ နှမ်းဆီ ပဲငံပြာရည်အကြည် ဆားနှင့် အရသာမှုန့်တို့ထည့်ကာ နယ်ထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
- ကြာက်သွန်ဖြူကို အခွံခွာပြီး ရေဆေးကာ ဒါးပြားရိုက်ထားပါ
- ချင်းကိုအခွံခွာပြီး ရေဆေးကာ ပါးပါးရိတ်ရိတ်လေးတွေ လှီးထားပါ
- ဇူကီးနီးကို အလုံးလိုက် ရေဆေးပြီး အရှည်လိုက်လေးတွေ လှီးပေးထားပါ
- လိုအပ်သော ပစ္စည်းများကို ပြင်ထားပါ
- အောက်ခြေမကပ်သော အိုးကိုအပူပေးပြီး ဆီနှင့်နနွင့်မှုန့်ကိုထည့်ပါ
- ဆီပူလာပါက ကြက်သွန်ဖြူ ကြက်သွန်နီနှင့် ချင်းတို့ကို ထည့်ပြီး မွှေးလာအောင် ကြော်ပေးပါ
- ကြက်သွန်ကြော်နံ့ မွှေးလာတာနဲ့ အရသာ နယ်ထားသော ကြက်သားများကို ထည့်ပေးကာ ကြော်ပေးပါ
- အားလုံး သမသွားတာနဲ့ ကြက်သားကို ရေမြုပ်အောင်ထည့်ပြီး အိုးအဖုံးအုပ်ကာ ရေမခမ်းတခမ်း အနေအထာ ရလာအောင် ချက်ပေးပါ
- ကြက်သားအိုး ရေမခမ်းခင် အထက်အောက် သမအောင် မွှေပေးပြီး ဇူကီးနီးနှင့် ငရုတ်ကောင်းမှုန့် ထည့်မွှေပေးပါ
- အားလုံး အရသာ သမသွားပြီ ဆိုတာ့ အရသာမြည်းပြီး မိမိစိတ်ကြိုက် အရသာကို လိုသလို ပြင်ပေးပြီးပါ ကြက်သား ဇူကီးနီးကြော် မွှေးမွှေး စိမ့်စိမ့်လေး ရပါပြီ။
No comments:
Post a Comment