ဒညင်းသီး အုန်းနို့ဆီပြန်

 

မာမာ ဒီနေ့တော့ ဒညင်းသီးလေးဆွေ ဝယ်လာပြီး အုန်းနို့နဲ့ ခပ်စိမ့်စိမ့် မွှေးမွှေးလေး ချက်ဖြစ်ပါတယ် ဒါကြောင့်မို့လို့ မာမာပြင်ဆင်ပြီး ချက်ထားတဲ့ ဒညင်းသီး အုန်းနို့စိမ့်စိမ့် မွှေးမွှေးလေးအတွက် ချက်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

1. ဒညင်းသီး - ၂၅လုံးခန့်
2. ထန်းလျှက်ခဲ - သုံးခဲ
3. အုန်းနို့ - 400ml
4. ဆား - အနည်းငယ်

ပြင်ဆင်ပြုလုပ်ပုံ

• ဒညင်းသီးများကို ရေဆေးပြီး အိုးထဲကို ထည့်ပေးပါ
• ဒညင်းသီး အိုးထဲမှာ ထန်းလျှက်ခဲ ထည့်ပေးကာ ရေခပ်များများ ထည့်ပြီး ပြုပ်ပေးပါ
• အရင်ဆုံး ထည့်ပြီးပြုပ်ထားတဲ့ ရေမခမ်းခင် နောက်ထပ်တစ်ရည် ထပ်ထည့်ပြီး ပြုပ်ပေးပါ
• ဒုတိယတရည် ခမ်းကာနီးတာနဲ့ ဒညင်းသီး နူးမနူး စမ်းကြည့်ပါ
• ဒညင်းသီးများ မနူးသေးပါက ရေထပ်ထည့်ပြီး ပြုပ်ပေးပါ
• ဒညင်သီးများ နူးရင်မီးပိတ်ပြီး အအေးခံကာ အခွံများခွါကာ ရေဆေးထားပါ
• အိုးတစ်လုံးထဲမှာ ဒညင်းသီး ဆားနှင့် အုန်းနို့တို့ထည့်ကာ တည်ပေးပါ
• အုန်းနို့များ မခမ်းခင် အရသာ သမအောင် မွှေပေးပါ
• အုန်းနို့များ ခမ်းလာပြီး ဥလာပါက မီးပိတ်ပေးပါ
• ပြီးတာနဲ့ အုန်းနို့ဒညင်းသီးဟင်း စိမ့်စိမ့်မွှေးမွှေးလေးကို စားသုံးရန် ပြင်ပေးနိူင်ပါပြီ။