Monday, 30 June 2014

ကြက်သား ပဲငပိကြော်



ဒီနေ့တော့ ကြက်သားပဲငပိဟင်းလေး တင်ပေးထားပါတယ် ဟင်းကိုနဲနဲနဲ့ကျဲကျဲဝိုင်းထားတာမို့ အရသာကောင်းကောင်းလေးရအောင် မာမာချက်ထားပါတယ်။
ဒီနေ့ချက်နည်းလေးက အလုပ်ရှုပ်သယောင်ထင်ရပေမဲ့ ချက်ရတာတော့အရမ်းလွယ်ပါတယ် ချက်လို့လွယ်ပေမဲ့ စားလို့တော့အရမ်းကောင်းပါတယ်။

ပါဝင်ရမှာလေးတွေက

  • ခပ်သေးသေးတုံးထားသော ကြက်ရင်ပုံသား  - 150g
  • ပဲငပိ ထမင်းစားဇွန်း - ၃ဇွန်း
  • မညက်တညက်ထောင်းထားသော ကြက်သွန်ဖြူ -  ၁၀မွှာ
  • နံနံပင် -  နှစ်သက်သလောက်
  • ဆီ ထမင်းစားဇွန်း  - ၅ဇွန်း
  • ဆား - လက်ဖက်ရည်ဇွန်း သုံးပုံတစ်ပုံ
  • ဟင်းချိုမှုန့် - လက်ဖက်ရည်ဇွန်း တစ်ဝက်သာသာ
ချက်နည်း
  • ကြက်သားကို ဆားလက်ဖက်ရည်ဇွန်း သုံးပုံတစ်ပုံ ဟင်းချိုမှုန့် လက်ဖက်ရည်ဇွန်း တစ်ဝက်သာသာတို့နဲ့ရောနယ်ပြီး ဆီပူပူမှာ ၃မိနစ်လောက်ကြော်ပြီး ဟင်းပြင်မဲ့ ပန်းကန်ထဲဆယ်ထဲ့ထားပါ
  • ကြက်သားပေါ်ကိုပဲငပိ ဆမ်းပေးပါ
  • နံနံပင်ကို အနေတော်ဖြတ်ပြီး ပဲငပိပေါ်ဖြန့်ခင်းပေးပါ
  • ပဲငပိပေါ်ကို ထောင်းထားသော ကြက်သွန်ဖြူများ ဖြန့်ခင်းပေးပါ
  • အားလုံးပြီးပါက ဆီကို အပူပြန်ပေးပြီး ပြင်ထားသောဟင်းထဲသို့ ဖြန့်ပြီးလောင်းချပေးပါ
  • ဆီလောင်းချပေးပြီးပါက အရသာမွှေးမွှေးလေးနဲ့ကြက်သားပဲငပိဟင်းလေး သုံးဆောင်နိုင်ပါပြီ။





Thursday, 26 June 2014

ငါးမြွေထိုး ငါးပိကောင်လုပ်နည်းနှင့် ငါးပိကောင်ကြော်



ငါးပိကောင်လို့ဆိုပေမဲ့ အရမ်းငံမနေဘဲ စားလို့ကောင်းရုံ ငံမြမြနဲ့ ငါးဆားနယ်လေးပါဘဲ ၃ရက်လောက်ဘဲ ဆားနယ်ပြီး ရေစင်အောင် ပြန်ဆေးကာ ငရုတ်သီးတောင့် ငရုတ်သီးလုံးကြမ်းခွဲ ကြက်သွန်ဖြူတို့နဲ့ကြော်ထားတာမို့ စွဲမက်စရာ ငါးငပိကောင်ကြော်လေးတမျိုးပါဘဲ။

မာမာလုပ်တဲ့ ငါးပိကောင်လုပ်နည်းက အရမ်းကိုရိုးရှင်းပြီး လုပ်ရတာလဲ တော်လေးကို လွယ်တဲ့အတွက် မျှဝေလိုက်ပါတယ်။
ပါဝင်ပစ္စည်းများ

  • ငါးမြွေထိုး - 300 g
  • ဆားကြမ်း - ထမင်းစာဇွန်းမောက်မောက် ၃ဇွန်းတို့ကို ဇလုံကျယ်ကျယ်ထဲထဲ့ပြီး နှံ့အောင်မွှေပေးပါ
  • ပန်းကန်ပြားတစ်ချပ်ခံပြီး ဆားနယ်ထားသောငါးများကို စီပြီးထဲ့ပေးပါ
  • ငါးထဲ့ထားသော ပန်းကန်ပြားကို ပလပ်စတစ်အိတ်နဲ့လုံနေအောင်ပိတ်ပြီး အပေါ်မှအလေးတစ်ခုခုနဲ့ဖိထားပါ
  • ရိုးရိုးအိမ်တွင်းမှာရှိတဲ့ အခန်းအပူချိန်နဲ့ဘဲ ထားထားပါ
  • ၂ရက်၃ရက်အတွင်း ထားလိုက်ရင်ရပါပြီ
ကြော်ရန်အတွက်
  • ငါးကိုဆားအငံပေါ့စေရန် ရေအနည်းဆုံး ၅ထပ်လောက် ဆေးပေးပါ
  • အငံတော်တော်လေး ပေါ့စေချင်တော့ ဆန်ဆေးရေမှာ ၁၀မိနစ်လောက် စိမ်ပြီးမှဆေးပေးပါ
  • ဆီကိုမီးအလယ်အလတ်လောက်နဲ့အပူပေးပြီး ဆီပူလာပါက နနွင်းမှုန့်အနည်းငယ်ထဲ့ပေးပါ
  • ငါးကိုထဲ့ကြော်ပေးပြီး နှစ်ဖက်လုံးကျက်ရင် ဆယ်ပြီးဆီစစ်ထားပါ
  • ကြော်ပြီးလို့ပိုသော ဆီထဲသို့ ငရုတ်သီးတောင့်ကို ညိုရောင်သန်းလာတဲ့ထိ ကြော်ပြီး ဆယ်ထားပါ
  • ဆီများနေရင် နည်းနည်းဖယ်ပြီး မီးကိုထပ်ပြီးရှော့ကာ မညက်တညက်ထောင်းထားသော ကြက်သွန်ဖြူ အမွှာကြီးကြီး ဆယ်မွှာလောက်ကို အ၀ါရောင်သန်းလာအောင် ကြော်လိုက်ပါ
  • ကြက်သွန်ဖြူကြော် နဲနဲဝါလာတာနဲ့ငရုတ်သီးလုံးခြမ်းခွဲ လက်ဖက်ရည်ပန်းကန်လုံး တစ်လုံးစာကိုထဲ့မွှေပါ
  • ငရုတ်သီးကြော်ထဲကို ဆား လက်ဖက်ရည်ဇွန်း သုံးပုံတစ်ပုံလောက်နဲ့ဟင်းချိုမှုန့် လက်ဖက်ရည်ဇွန်း တစ်ဝက်လောက်ကို ထဲ့ပြီးကြော်ပေးပါ
  • ကြော်ချိန်ခနအတွင်း ငရုတ်သီးအရောင်ပြောင်းသွားတာနဲ့ အိုးကိုမီးဖိုပေါ်ကချကာ ကြော်ထားတဲ့ ငါးပိကောင်ကြော်ကို အိုးထဲမှာဘဲ ထဲ့မွှေပေးပါ
  • မွှေပြီးတာနဲ့ ငရုတ်သီးတောင့်ကြော်နှင့်အတူ ပန်းကန်ထဲကို ပြောင်းထဲ့ပေးပါ 
  • ထမင်းမိန်စေတဲ့ ငါးပိကောင်ကြော် ရပါပြီ။







Wednesday, 25 June 2014

ကြက်သားပဲငပိ ချိုချဉ်ကြော်




ဒီနေ့တော့ မာမာချက်တဲ့ ကြက်သားပဲငပိ ချိုချဉ်ကြော်ဟင်းလေးတင်ပါမယ် ဟင်းတွေကို အများကြီးချက်ရတာ ထက် နဲနဲနဲ့အရသာကောင်းကောင်း ချက်တတ်ရင် မိသားစုထမင်းဝိုင်းလေးက စားမိန်ထမင်းဝိုင်းလေးဖြစ် တတ်ပါတယ် အခုချက်တဲ့ ကြက်သားပဲငပိ ချိုချဉ်ဟင်းလေးက မိသားစုအကြိုက်လေးမို့ မကြာမကြာချက်တတ် တဲ့ဟင်းအမယ်လေးတစ်ခုပါ မာမာတို့တွေရဲ့ မိသားစုထမင်းဝိုင်းလေးအတွက် ဒီဟင်းလေးကို ပြင်ဆင်ကြရအောင် အတူတူပါဝင်လှဲ့ပါလို့ ဖိတ်ခေါ်လိုက်ပါတယ်။

ပါဝင်ရမှာလေးတွေကတော့
  • လက်တစ်ဆစ်အရွယ်လှီးထားသော ကြက်သား -  150 g
  • ဓါးပြားရိုက်ပြီး ခပ်သေးသေးလှီးထားသောကြက်သွန်ဖြူ -  အမွှာကြီးကြီး ၃မွှာ
  • အနေတော်လှီးဖြတ်ထားသော နံနံပင် - အနည်းငယ်
  • တရုတ်ပဲငပိအချို ထမင်းစားဇွန်း - ၁ဇွန်း
  • ဆီ ထမင်းစားဇွန်း - ၃ဇွန်း
  • ပါးပါးရှည်ရှည်လှီးထားသော ချင်း - လက်တစ်ဆစ်ရဲ့တစ်ဝက်
  • လေးစိပ် စိပ်ထားသောခရမ်းချဉ်သီးအနေတော်  - တစ်လုံး
  • ဘေဘီပြောင်းဖူး - လေးဖူး
  • ပန်းဂေါ်ဖီ - အနည်းငယ်
  • ခပ်သေးသေးလှီးထားသော မုံလာဥနီ - လက်ဖက်ရည်ပန်းကန် တစ်လုံး
  • ဆား လက်ဖက်ရည်ဇွန်း - တစ်ဝက်
ကော်ရည်ဖျော်ရန်
  • ကော်မှုန့် - ထမင်းစားဇွန်း တစ်ဇွန်း
  • သကြား - ထမင်းစားဇွန်း  တစ်ဇွန်း
  • ခရမ်းချဉ်သီးအချဉ်ရည် - ထမင်းစားဇွန်း တစ်ဇွန်းခွဲ
  • ဆား - လက်ဖက်ရည်ဇွန်း တစ်ဝက်
  • ရေ - လက်ဖက်ရည်ပန်းကန် တစ်လုံး ( အားလုံးကိုရောပြီးဖျော်ထားပါ)
ပြင်ဆင်ပုံ

  • မီးအနေတော်နဲ့အပူပေးထားတဲ့ ဆီပူပူမှာ ကြက်သားလွှာလေးတွေကို ဆားထဲ့ပြီး  ၃မိနစ်လောက် ထဲ့ကြော်ပြီး ဆယ်ထားပါ
  • ကြက်သားကြော်ထားတဲ့ဆီထဲမှာ ကြက်သွန်ဖြူကိုမွှေးလာအောင်ကြော်လိုက်ပါ
  • ကြက်သွန်ဖြူမွှေးလာတာနဲ့မုံလာဥနီကိုအရင်ဆုံးထဲ့ကြော်ပေးပါ
  • ပန်းဂေါ်ဖီနဲ့ဘေဘီပြောင်းဖူးလေးများထဲ့ကြော်ပေးပါ
  • ပြီးတာနဲ့ကြက်သားကြော် ချင်းနှင့်ခရမ်းချဉ်သီးကိုထဲ့ပြီး ၂မိနစ်လောက်ထဲ့ကြော်ပေးပါ
  • စပ်ထားသော ချိုချဉ်ရည်ကိုအကြော်အိုးထဲသို့လောင်းထဲ့ပြီး တစ်မိနစ်ခွဲလောက်ထဲ့မွှေပေးပါ
  • အားလုံးပြီးသွားပါက ပဲငပိနဲ့နံနံပင်လေးအုပ်ပြီး ကြက်သားပဲငပိချိုချဉ်ကြော်လေး စားသုံးနိုင်ပါပြီ။

Tuesday, 24 June 2014

ခရမ်းကြွတ်သီး ငရုတ်သီးစိမ်းချက် စပ်စပ်လေး




ဒီနေ့ချက်ဖြစ်တဲ့ ခရမ်းကြွတ်သီး ငရုတ်သီးစိမ်း အစပ်ချက်လေးပါ အရင်တုံးကတော့ အစိမ်းအတိုင်း ကြွတ်ကြွတ်လေး တို့တတ်သလို အချိုနှပ်ပြီးတော့ ချက်စားဖြစ်ပါတယ် မနေ့ကတော့ တူမလေးတယောက်က အစပ်ချက်လေးချက် စားကြည့်ပါလားဆိုပြီး ချက်နည်းလေးပေးလာတာနဲ့ဒီနေ့မနက် ချက်ကြည့်လိုက်တာပါ။

တူမလေးကတော့ပြောပါတယ် တီတီရေ ချက်စားကြည့်တဲ့ စားပြီးရင် ခနခနချက်စားချင်နေလိမ့်မယ်တဲ့ တကယ်လဲ သူပြောသလိုပါဘဲနော် ချက်နေထဲက မွှေးလာလိုက်တဲ့ အနံ့အရသာက တကယ်ကိုဘဲ ထမင်းမိန်စေခဲ့ပါတယ် ဒါကြောင့်မို့ ထမင်းမိန်စေမဲ့ ချက်နည်းလေးအတွက် မာမာမျှဝေပေးချင်ပါတယ်။



ပြင်ဆင်ကြရအောင်



  • အလုံးလိုက် ရေစင်အောင်ဆေးထားသော ခရမ်းကြွတ်သီး -  ၁၅လုံးခန့်
  • ခရမ်းသီးကို အစေးများထွက်အောင် ထက်ခြမ်းခွဲပြီး ရေစိမ်ထားပေးပါ
  • ပုဇွန်ခြောက် - ထမင်းစားဇွန်းမောက်မောက် တဇွန်း
  • ကြက်သွန်နီအနေတော် - တခြမ်း 
  • ကြက်သွန်ဖြူ -  အမွှာကြီးကြီး ၂မွှာ
  • ငရုတ်သီးစိမ်း - ခပ်သေးသေးအတောင့် ၁၀တောင့်  ( အစပ်စားလျှင်ပိုပြီးထဲ့ပေးပါ )
  • ပုဇွန်ငါးပိ - ကွမ်းသီးဆံလောက်
  • နံနံပင် - အနည်းငယ်
  • ဆီ - ထမင်းစားဇွန်း ၂ဇွန်း
  • ပုဇွန်ခြောက် ကြက်သွန်ဖြူနီ ငရုတ်သီးစိမ်းတို့ကို ရောပြီးထောင်းပေးထားပါ။
ပြင်ဆင်ပုံ
  • ရေစိမ်ထားတဲ့ ခရမ်းကြွတ်သီးကို ချက်မည့်အိုးထဲသို့ရေစစ်ပြီးထဲ့ပေးပါ
  • ထောင်းထားသော ကြက်သွန်ဖြူနီ ပုဇွန်ခြောက် ပုဇွန်ငါးပိတို့ကိုခရမ်းသီးအိုးထဲသို့ထဲ့ပေးပါ
  • ဆီနှင့် ရေအနည်းငယ်ထဲ့ပြီး အိုးအဖုံးအုပ်ကာ တည်ပေးပါ
  • ခရမ်းသီးနဲနဲနွမ်းလာပါက ရေခရမ်းသီး မမြုပ်တမြုပ်ထဲ့ပြီး ဆက်တည်ပေးပါ
  • ရေမခမ်းခင် အချိန်လေးမှာ အရသာမြည်းပြီး နံနံပင်အုပ်ပေးပါ
  • အရသာအနေတော်ဆိုရင် ခရမ်းကြွတ်သီး အစပ်ချက်လေးရပါပြီ
  • အရည်နှင့်ကြိုက်လျှင် ရေမခမ်းခင်မီးပိတ်ပေးပါ။

Saturday, 21 June 2014

ကြက်ဥ (သို့မဟုတ်)ဘဲဥ ငါးခြောက် အာလူးချဉ်ရည်ဟင်း


ချက်ရတာ လွယ်သလောက် စားကောင်းပြီး ထမင်းမိန် ဟင်းပွဲလေးပါ ဒီနေ့ချက်တဲ့ ကြက်ဥချဉ်ရည်ဟင်းလေးထဲမှာ ငါးခြောက်လေးပါ ထဲ့ချက်ထားတာမို့ အရသာကတော့ တမျိုးပိုသွားပါတယ် ကြက်ဥနဲ့ဘဲဥ ချက်နည်းက အတူတူဘဲမို့ နံမည်၂မျိုး ရေးပေးထားပါတယ်။

ဒီနေ့ချက်တဲ့ ချဉ်ရည်ဟင်းလေးအတွက်

  • ပြုပ်ပြီးအခွံခွာကာ အရှည်လိုက်မွှန်းထားသော ကြက်ဥ သို့မဟုတ် ဘဲဥ -  ၅လုံး 
  • အခွံခွာပြီး ထက်ခြမ်းခြမ်းထားသော အာလူး - အနေတော်  ၃လုံး
  • အနေတော်လှီးပြီး ရေစိမ်ထားသောငါးခြောက် -  ၅ပိုင်း
  • ညက်နေအောင်ထောင်းထားသော ကြက်သွန်နီ - အနေတော် တခြမ်း
  • ညက်နေအောင်ထောင်းထားသော ကြက်သွန်ဖြူ -  ၃မွှာ
  • ညက်နေအောင်ထောင်းထားသော ချင်း - လက်တဆစ်ခန့်
  • ဆီ -  ထမင်းစားဇွန်း ၃ဇွန်း
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ငံပြာရည် -  ထမင်းစားဇွန်း ၂ဇွန်း
  • ဟင်းချိုမှုန့်. - လက်ဖက်ရည်ဇွန်း တဇွန်း
  • ငရုတ်သီးအရောင်တင်မှုန့်. -လက်ဖက်ရည်ဇွန်း တဇွန်းမောက်မောက်
  • မကျီးနှစ် - လက်ဖက်ရည်ဇွန်း တဇွန်း
  • မဆလာ - လက်ဖက်ရည်ဇွန်း တဇွန်း
ဟင်းချက်ရန်
  • ဆီကိုအပူပေးပါ
  • ဆီပူလာပါက နနွင်းမှုန့်ထဲ့ပြီး ထောင်းထားသော ကြက်သွန်နီ/ ဖြူ ချင်း ငရုတ်သီးမှုန့်တို့ကိုထဲ့ပါ
  • ဆီသတ်နံ့သင်းလာတဲ့ထိ မွှေပေးပြီး ငါးခြောက်ကို ဆီသတ်ပေးပါ
  • ကြက်ဥ သို့မဟုတ် ဘဲဥနှင့်အာလူးကို ထဲ့ပြီးတာနဲ့ငံပြာရည်ထဲ့ပြီး မွှေပေးပါ
  • ဆီကြွတ်ကြွတ်မြည်လာတာနဲ့ ရေမြုပ်အောင်ထဲ့ပြီး အရသာမှုန့်ထဲ့ကာ တည်ပေးပါ
  • အာလူးနူးပါက မကျီးနှစ်ထဲ့ပြီး သုံးမိနစ်လောက်ဆူစေကာ မဆလာအုပ် အရသာမြည်းပြီး မီးပိတ်ပါ
  • ဟင်းရည်ကို ကိုယ်လိုသလောက်ထားပြီး ချက်နိုင်ပါတယ်။